№35 мектеп-лицейінің оқушылары карантин уақытында өз күштерін тек оқу бағдарламасын меңгеруге ғана жұмсамай, білімдерін өз бетінше жетілдіріп те жүр.
Дүниежүзілік пандемия жағдайында қашықтық байқаулар мен онлайн-шараларға үлкен мән беріле бастады. Біздің оқушыларымыз Ұлы Жеңістің 75 жылдығына арналған мәнерлеп оқу байқауларына белсене қатысуда.
Биыл ұлы Абайдың 175 жылдығы тек Қазақстан емес, дүние жүзі бойынша аталып өтуде. Осыған байланысты ақын шығармалары бойынша түрлі мәнерлеп оқу шаралары өткізіліп жатыр.
Лицей оқушылары өз арман-қиялын жүзеге асырудың тәсілдерін іздей біледі. Музыкалық аспаптарда ойнайтын балалар да өз достарымен кездесуге мүмкіндіктері болмаса да, онлайн-репетиция жасап, шеберліктерін шыңдауда.
Қыздарымызда да уақытты тиімді өткізу мақсатында түрлі қызығушылықтар пайда болған. Олар құймақ, бауырсақ, кекс сияқты кулинарлық тағамдарымен жақын туыстарын қуантып жүр.
Оқушыларымыз «Герань-2020» жобасына қашықтан қатысуды жалғастыруда.
Лицей оқушылары өз жетістіктерімен қуанта береді деп үміттенеміз.
